
B’ e eòlaiche na Ceiltis a bh’ ann an Kuno Meyer (20 An Dùbhlachd 1858, Hamburg – 11 An Dàmhair 1919, Leipzig). Bha e a’ teagaisg, mar òraidiche agus mar àrd-ollamh, aig Oilthigh Liverpool airson 27 bliadhna. Eadar 1903–1906, bha e na òraidiche aig Oilthigh Ghlaschu. Dh’fhoillsich Am Bàrd (Àireamh 4) litir-bhrosnachaidh bho Kuno Meyer, agus tha coltach gun robh e fhèin agus Ruaraidh Arascain ann an conaltradh.
Chaidh earrannan bho na co-chruinneachaidhean de litreachas na seann Ghàidhlig na h-Èireann, leithid Ancient Irish Poetry, fhoillseachadh anns na h-irisean aig Ruaraidh Arascain.
Anns a’ chiad àireamh de Guth na Bliadhna (An Geamhradh 1904), nochd an aiste ‘‘Gaelic Literature and Professor Kuno Meyer’ le ‘Alasdair Beag’. Nuair a chaochail Meyer anns an Dàmhair 1919, sgrìobh Ruaraidh Arascain iomradh-bàis air, ‘Bàs Kuno Meyer,’ ann an Guth na Bliadhna (An Geamhradh 1919).
Sgrìobhaidhean anns na h-Irisean
- [litir-brosnachaidh, Beurla], Leabhar I, Àireamh 4 (An Lùnastal 1901)
Ath-fhoillseachaidhean anns na h-Irisean
- ‘Òran an t-Samhraidh’ [bàrdachd, Gàidhlig], Leabhar XVII, Àireamh 1 (An t-Earrach 1920), eadar-theangachadh le Kuno Meyer, Gàidhlig le D. M. N. C. [Dòmhnall Mac na Ceàrdaich]
- ‘Na h-Innse Sona’ [bàrdachd, Gàidhlig], Leabhar XVII, Àireamh 2 (An Samhradh 1920), bho Ancient Irish Poetry le Kuno Meyer, Gàidhlig le D. M. N. C. [Dòmhnall Mac na Ceàrdaich]
- ‘Beannachadh Moire’ [bàrdachd, Gàidhlig], Leabhar XVII, Àireamh 3 (Am Foghar1920), bho Ancient Irish Poetry le Kuno Meyer, Gàidhlig le D. M. N. C. [Dòmhnall Mac na Ceàrdaich]
- ‘An Rìgh ’s an Dithreabhach’ [bàrdachd, Gàidhlig], Leabhar II, Àireamh 1 (An t-Earrach 1910), eadar-theangachadh le Kuno Meyer, Gàidhlig le C. M. P. [Calum MacPhàrlain]
- ‘Liadain agus Cuirithir’ [rosg, Gàidhlig], Leabhar II, Àireamh 2 (An Samhradh 1910), eadar-theangachadh le Kuno Meyer, Gàidhlig le C. M. P. [Calum MacPhàrlain]
Stòrasan
- ‘20mh linn – Eachdraidh na Roinne,’ Sgeul na Gàidhlig aig Oilthigh Ghlaschu